Аҧсны Аҳәынҭқарра Ахада Аслан Бжьаниа абжьаратә школқәа раушьҭымҭацәа дрыдныҳәалеит

Акыр иаҧсоу абжьаратә школқәа раушьҭымҭацәа! Иахьатәи амш шәыҧсҭазаараҿы акрызҵазкуа, ихадоу амшқәа ирхыҧхьаӡалоуп. Шәара шәанылоит хҭысла ибеиоу, агәыӷра рацәа  зыдҳәалоу, хымҧада аихьӡара дуқәа шәзаазго амҩа ҭбаа. Уи шәара шәызыхиоуп. Ишәыцуп жәеизашықәса рыҩныҵҟа шәырҵаҩцәа ишәырҭаз адыррақәа, рабжьгарақәа, ишәыларааӡаз Аҧсадгьыл абзиабара. Ҳшәықәгәыӷуеит зегьы. Шәара шәоуп уаҵәтәи аҳақьымцәа, анџьнырцәа, аргылаҩцәа, арҵаҩцәа, аҵарауаа, аполитикцәа, ажәакала Аҧсны уаҵәтәи аҧеиҧш знапы иану. Ишәыцзааит, аманшәалара, ақәҿиарақәа, зегьы ирыцкыу анасыҧ.

Мҩамш!
Ҳаҭырла ,

Аҧсны Аҳәынҭқарра Ахада

А. Бжьаниа

Последнее изменение Суббота, 04 июля 2020 12:20