Иахьа шәыԥсҭазаараҿы хҭыс дууп – хаҭала шәара шәзы еиԥш, иара убас шәҭаацәеи шәырҵаҩцәеи рзы аҵак ҷыда змоу ныҳәамшуп! Шәара шәанысит аџьабаа маҷымкәа измаз, аха аамҭакала анасыҧи, агәыҕреи рацәаны изцу аҧсҭазааратә мҩалаша! Аҵыхәтәантәи аҵәҵәа – ашколи шәареи шәеиҧырҵра мацара иазҳәаӡам, ари аҵәҵәабжьы ахәыҷра ааныжьны аҧсҭазаара ду ахь ишәыҧхьоит.

Иҭабуп ҳәа расҳәар сҭахуп гәыблыла абарҭ ашықәсқәа зегьы ишәыцыз, хамеигӡарак ҟамҵакәа зус назыгӡоз шәырҵаҩцәа рыпрофессионализми рҟәыҕареи азы.

Ианакәзаалак ақәыҧшра иацуп аромантика, арҿиаратә гәацҧыҳәара, ҧхьаҟатәи аҧеиҧш азхәыцра! Иахьа Аҧсны иалҵыз аҿар, ҳашколқәа рҿы адырра бзиа зырҳаз аӡәырҩы, ҳтәыла анҭыҵ ахьӡ ҭыргоит аҵарадырра, аҟазара, аспорт аҟны уҳәа акырџьара.

Акыр иаҧсоу аушьҭымҭацәа, ари амш лаша аҽны ишәзеиҕьасшьоит агәабзиара, анасыҧ, аҩызцәа иашақәа, шәгәы иҭакқәоу шәрыхьӡааит!

Мҩамш!

Последнее изменение Пятница, 26 июня 2020 17:21